美孚站係香港一个铁路车站，港铁荃湾线、西铁线都经过本站。荃湾线大堂同月台，喺美孚新邨万事达广场地底，而西铁线嘅大堂同月台，就响荔枝角公园入面，两边大堂有条行人隧道连埋，方便人转车。
成个美孚站可分做荃湾线同埋西铁线两个部分，其中荃湾线嘅大堂同埋月台分别喺L2同埋L3层，L1层係通往西铁线大堂嘅通道。条通道伸延去到喺荔枝角公园嘅地面出口，同埋西铁线大堂位处嘅C层，西铁线嘅月台喺地面（P层）。两个大堂都设有票务设施同埋车站商店。美孚站嘅车站出口主要喺地面，同埋荔枝角公园嘅平台上。
喺荃湾线大堂同埋转乘通道（近西铁线大堂）都设有车站商店，而西铁线大堂更加设有邮箱。
本站设有四个月台，各月台均设有月台幕门。荃湾线1号（往荃湾）同埋2号月台（往中环）共用一个岛式月台，位于美孚新邨地底，介乎荔湾道至到美孚巴士总站之间。西铁线1号（往屯门）同埋2号月台（往南昌）係两个侧式月台，喺荔枝角公园贴近呈祥道的地面，侧式月台佈置跟上环及坑口站相同。1号月台西面设有预留管道供未来港口铁路线之货运列车使用。
美孚站出口资料
| A | ．美孚新 | ．万事达广场 | ．华荔 | ．盈晖台 | ．荔湾道 |
| ．德仁书院 | ．荔枝角公园 | ．九巴总脯 | ． | ． |
| B | ．荔枝角公园 | ． | ． | ． | ． |
| C | ．荔景山路 | ．葵涌医院 | ．玛嘉烈医院 | ．清丽苑 | ．荔景台 |
